Schoolpad

Met 't Heidefeest van 2003 lörkten een halven tweeling van Moatkamp, Willem uut de Struu en Jan v.d. Meister samen wat glaeskes bier leug.
Ze kwasselden d'r wat oaver, of i'j 't volk uut de Heide wel of niet warm zollen kunnen kriegen veur 't samen organiseer'n van 't één of ander; wat dan ok.
Jammer dat olde verhalen vergetten word, dat de schole steeds minder ,de spil in de Heide is, woar alles um dreait, dat wier 'enuumt. A'j samen Heidefeest vier'n könt, kön i'j vaste ok wel meer was de conclusie... en doar bleef 't bi'j.
Totdat Wim Klanderman op een oavend langs kwam met de vroage of 't niet wat was um een pad an te leggen. En of wi'j kommende donderdag doar oaver wollen proaten met mensen die d'r vestand van hadd'n. Dat wolle wi'j.
Met name Tonnie Klein Lebbink van 't Boelekearls pad hef ons op weg 'eholpen. In roazend tempo mosse wi'j een plan anreiken met een "cultuur-historische achtergrond" zoda'w met konnen doen an een project van de gemeente Zelhem; de "Trap-route" dat steet veur Touristisch Recreatief
Archeologisch Project. Dat hew veur mekare 'ekregen en ok de beneudigde begroting was op tied kloar. Alene von onzen projectleider 't bedrag völs te hoge en dat is beheurlijk bi'j'esteld. In december 2005 hadde wi'j subsidie en toestemming um te beginnen. Wi'j hebt een route deur Halle-Heide uut'estippeld den ansluting vond bi'j de Trap-route, de Meister Leemreis brugge is anlegt net as vier info-borden. Ok kon d'r een buuksken oaver de Heide met fiestroute worden 'emaakt. De eerste oplage (250 stuks) was al vlot uutverkocht.
De ni'je versie ligt now bi'j d'n drukker. 't Was geen enkel probleem um 't Heidevolk zowiet te kriegen um zich hierveur in te zetten. Op dit moment is d'r een man of tiene op afroep beschikbaar veur 't onderhold. Wat trouwens nog wel met völt.
Noa 't schoolpad hew ok nog een GertJans pad an'elegd, kort langs natuurgebied de Moandag, bekiek de foto's moar us.
Ok blek d'r belangstelling veur een BelangenVereniging te waen, en den is 't er 'ekommen.